Daily Archives: January 10, 2021
Նոր տարին հարավային Կորեայում
Կորեացիները յուրահատուկ են վերաբերվում բոլոր տոներին և փորձում են անցկացնել այն գեղեցիկ, վառ և ուրախ: Հարավային Կորեան այն երկիրն է, որտեղ գնահատում են տոները և կարողանում են նշել ուրախ: Զարմանալի չէ, որ ավանդական արևելյան Նոր տարուն ավելացրել են նաև արևմտյան ձևերը: Նոր տարն Հարավային Կորեայում նշում են 2 անգամ՝ սկզբում արեգակնային օրացույցով ( դեկտեմբերի 31-ի գիշերը, մինչև հունվարի 1-ը), իսկ հետո՝ լուսնային օրացույցով ( փետրվարին): Բայց եթե «արևմտյան» Նոր տարին իր մեջ չունի ծանրաբեռնվածություն, ապա ավանդական Նոր տարին լուսնային օրացույցով Հարավային Կորեայում ունի յուրահատուկ նշանակություն: Նոր տարին Կորեայում սկսվում է Սուրբ Ծնունդից: Ինչպես Եվրոպայում, կորեացիները զարդարում են եղևնի և պատրաստում են նվերներ բարեկամների, հարազատների, ընկերների և գործընկերների համար: Սուրբ ծնունդը Հարավային Կորեայում նշում են ավելի շքեղ, քան օրացուցային Նոր տարին, որը նշվում է շատ ֆորմալ: Այդ օրերին մարդիկ հանգստանում են, գնում են իրենց ծննդավայրերը, այցելում են ծնողներին կամ գնում են քաղաքից դուրս հանգստանալու (օրինակ` սարերում):
Իսկական Նոր տարին Հարավային Կորեայում սկսվում է լուսնային օրացույցով … Այն ամենասիրելի և ամենակարևոր տոնն է Կորեայի բնակիչների համար, իսկ լուսնային օրացույցով ամենաշարունակական տոնն է Հարավային Կորեայում: Փառատոները և տոները շարունակվում են 15 օր: Կորեայում Նոր տարվա կարևոր ավանդույթը տոնական ընթրիքն է, որն ընդունված է անցկացնել ընտանիքի անդամների հետ: Ըստ լեգենդների, ամանորյա գիշերը սեղանի մոտ ներկա են նախնիների հոգիները, ովքեր համարվում են տոնի լիարժեք անդամներ, այդ պատճառով սեղանին պետք է լինեն շատ ուտեստներ՝ կորեական ավանդական խոհանոցից: Կա նաև մի օր, որը կոչվում է Սոլլալ` Նոր տարվա առաջին օրը: Բոլոր բարեկամները հավաքվում են մի ճոխ սեղանի շուրջ և շնորհավորում են միմյանց ընթացիկ խնդիրների ու ապագա ծրագրերի հաջողության համար:
Մնացած օրերին ընդունված է այցելել բարեկամներին և հարազատներին, շնորհավորել և տալ նվերներ: Կորեական ավանդույթների համաձայն, Նոր տարվա առաջին օրը պետք է նշել սեբե ծիսակատարությունը` հանդիսավոր պաշտամունքը ծնողների և բոլոր մեծերի նկատմամբ: Ամբողջ Նոր տարվա առաջին օրը երիտասարդությունը այցելում է մեծերին, և բոլորը խոնարհվում են 3 անգամ՝ իրար հետևից, հենվում են ծնկների վրա և ճակատով դիպչում իրենց հատուկ ձևով ծալված ձեռքերին: Հետո մեծերը երեխաներին տալիս են գումար և քաղցրավենիք: Նոր տարին լուսնային օրացույցով միայն ընտանեկան տոն չէ, այլ ազգային տոն է: 15 օրվա ընթացքում երկրում անցկացվում են ավանդական շքերթներ:
Աղբյուրը` http://www.parom.su